友義氣‧酸菜魚 (已結業)

今日下午突然好想食酸菜鱼，系OpenRice search见到呢间新开嘅酸菜鱼，参考咗佢葵芳分店嘅食评，决定试一试。我同老公两个人叫咗一份标准酸菜鱼小辣，因为细细又冇食评同冇太大期望。点个一食真系估佢唔到，标准已经份量好足够，用了十足，非常抵食。而且落足酸菜所以酸味都好够唔会剩系得辣味，鱼份量亦都好多好滑，真心好好味！另外再嗌多咗个咕噜肉送饭，喺出面听到厨房嘅煮饭声已经知道餐厅好有镬气。卖相又靓，咕噜肉热辣辣外脆内软炸得好好味，重点系佢隔离仲有烧菠萝，超级甜。仲有叫左个麻辣皮蛋，上到先发现原来系黄金皮蛋，非常惹味。呢间小店老板好用心，虽然只系小店但真系好好食，一定会再去帮衬！