樂天皇朝 (已結業)

12月圣诞节今晚同老婆出尖沙咀，先去食个晚饭再去尖东睇灯饰，爽YY呢！今晚拣咗乐天皇朝尖沙咀新分店，位置阔落，环境又非常舒适。【李白醉鸡】今次再试佢嘅醉鸡，卖相好靓，虽然我哋冇突登叫鸡髀肉，但系都似系髀嘅部份，肉质好嫩滑，酒味不会抢左鸡既鲜味，味道真系唔错。【香辣蒜泥白肉】蒜泥白肉真系好好味，白肉卷住青瓜丝，食起上黎食令到个油腻感无咁重，仲有d又辣辣地既酱料，真系好醒胃!【上海风味酱鸭】作为前菜比我意料之外出色， 酱鸭超入味，鸭皮带点烟烟韧韧，肉质有弹性又有烟熏味，唔错唔错。【清炖鸡汤拉面】个清炖鸡汤系另上，个炖鸡汤非常清甜，唔知点解觉得食上海野一定要食面，所以就叫左汤面试食下。【四川水煮牛肉】鲜牛肉软淋带有咬口，内有劲多幼红薯粉，香料味浓，又有不少芹菜，芽菜和花生，麻辣味非常香，又不算太辣。【宫廷驴打滚】驴打滚唔系好多地方有得食，我比较喜欢糯米做既甜点。糯米皮配红荳蓉馅加上外层嘅黄豆粉，食落好清甜，口感软淋带点烟韧，一边食一边叹茶，冇得顶，值得推介!!