影片
更多
2019-06-01
1153 浏览
成10点几先出来揾食，唔想热辣辣扫太安楼，又唔想食麦记，醒起间可可店都未曾食过，成日听人讲西环嘅好味啲，又唔知系咪真系咁差。打开OpenRice 见唔到佢嘅营业时间，男友话西环果间开好夜，因为都有糖水食，可能呢间都唔会好早。当女人听到糖水两个字已经心心眼，然后就拉住男友冲咗入间舖。到店时还有几台客，由于肚饿，所以即刻打开menu睇食咩，完全冇睇到份menu封面已经写咗营业时间系11:00-23:00，落晒order先感觉自己阻住人收工。不过啲员工都好nice，不但冇催过我哋，仲好好招呼。落单嘅哥哥仔好好笑容，仲同我哋介绍咗今晚有咩汤水，不过我哋冇叫到，下次可以再试下，听佢讲应该每日唔同款。本来系想要个东江豆腐煲，哥哥仔话我哋知个豆腐煲唔系干身嘅，而系有啲汤水浸住，有鲮鱼肉，问我哋啱唔啱食。男友觉得麻麻，所以最后冇叫到。经过一番研究，我哋发现佢哋嘅小菜有好多鲜鱿，感觉上啲鱿鱼肯定新鲜先，然后拣咗个出边少有嘅潮式鲜鱿～因为系小菜即叫即整，我哋都等咗下～不过，美味系值得等待嘅！份量比想像中大好多，啲鱿鱼多到真系喺啲汁到游紧水咁，有好多唐芹，仲有啲菜脯粒，调味啱啱好，肉质仲好爽口，好味！怪唔得
打开OpenRice 见唔到佢嘅营业时间，男友话西环果间开好夜，因为都有糖水食，可能呢间都唔会好早。
当女人听到糖水两个字已经心心眼，然后就拉住男友冲咗入间舖。
到店时还有几台客，由于肚饿，所以即刻打开menu睇食咩，完全冇睇到份menu封面已经写咗营业时间系11:00-23:00，落晒order先感觉自己阻住人收工。
不过啲员工都好nice，不但冇催过我哋，仲好好招呼。
落单嘅哥哥仔好好笑容，仲同我哋介绍咗今晚有咩汤水，不过我哋冇叫到，下次可以再试下，听佢讲应该每日唔同款。
本来系想要个东江豆腐煲，哥哥仔话我哋知个豆腐煲唔系干身嘅，而系有啲汤水浸住，有鲮鱼肉，问我哋啱唔啱食。男友觉得麻麻，所以最后冇叫到。
经过一番研究，我哋发现佢哋嘅小菜有好多鲜鱿，感觉上啲鱿鱼肯定新鲜先，然后拣咗个出边少有嘅潮式鲜鱿～
因为系小菜即叫即整，我哋都等咗下～不过，美味系值得等待嘅！
潮式鲜鱿
40 浏览
0 赞好
0 留言
份量比想像中大好多，啲鱿鱼多到真系喺啲汁到游紧水咁，有好多唐芹，仲有啲菜脯粒，调味啱啱好，肉质仲好爽口，好味！
怪唔得个姐姐拎碟嘢出来比我哋嘅时候，一路行一路系咁讲：“好靓啊，碟嘢好靓！”
当下觉得多么令人羡慕。
回锅肉
57 浏览
0 赞好
0 留言
回锅肉一摆上台仲香喷喷，肉片唔会太薄，件数都唔少，赞一赞厨师好够功力，镬气十足，而且有得拣大中小辣，我哋拣咗小辣，结果令人满意。
佢哋仲有得送外卖，唔同区域价位都唔同，送货嘅区域都好广泛，价位都好合理。
啲员工仲好好咁叫我哋唔使心急，可以慢慢食。
宵夜时嘅心情都好似墙上太阳花咁灿烂，虽然最后女人冇食到糖水，有少少失意，但呢两个𩠌，同埋啲贴心嘅服务，都好满足，真心多谢！
张贴
