蛋哥 (已結業)

想食好耐嘅一间观塘小店，今日要去附近物流拎嘢顺路过嚟试下。啱啱瞓醒无耐，未有胃口食我最想试嘅鳗鱼流心蛋包饭，于是叫咗至爱嘅常餐沙嗲牛肉面+炒蛋+牛油多士($38)，见到个炒蛋仲流紧好吸引，即刻食左先，蛋味香浓，唔会过份调味，果然称得上为蛋哥食完个蛋有啲惊块多士淋左，估佢唔到竟然仲脆卜卜沙嗲牛肉面后到，送餐比我嘅应该系老板，好细心咁提醒我要搅匀个酱。面嘅软硬度适中，沙爹酱带微微嘅香辣，平时啲牛肉都系少食，闲谈之间问到原来系分开煮，比唔食肉嘅客人都可以试到美味沙爹酱。比钱个阵老板仲有问我意见，我如实请完话想夜晚都食到流心蛋包饭，不过见到疫市生意真系难做，暂时都唔会做晚市。总结：落车行过去几分钟就到，比想像中近；装修同碗碟都有诚意；蛋真系特别出色；环境简洁舒适；老板员工有礼貌愿意接受意见；一定会再嚟！