炳記 (已結業)

同事提议试下食呢间，系一个几隐闭的巷入面，午餐时间来到，人唔多，环境好住家的感觉，食物都系。餐牌就系墙上，冇套餐，全部小菜，价钱都唔算平，平均78-100一个，晚餐的价钱。小店应该系两夫妻经营既。我地四个人叫左四个𩠌，秘制三杯鸡、凉瓜班腩煲、XO酱炒猪颈肉同埋咸菜猪肚浸胜瓜。所有𩠌都妹有镬气，三杯鸡唔系食开果种味道，酸酸地醋味，鸡肉几新鲜，不过味道就唔系几岩口味。凉瓜班腩煲，凉瓜唔错，但啲班腩就得块皮，炸粉，唔系好食到鱼肉。猪颈肉质感几好，但冇乜XO酱味，咸菜猪肚都几香，但系啲猪肚个质感似腊味，奇奇怪怪。总括来讲，几唔好食，除左好有镬气之外，食完成身都有油烟味