Toast Luck (希慎廣場) (已結業)

一直好想食韩式吐司，呢排去开铜锣湾听朋友推介一间系Hysan food court嘅韩式吐司好爆馅就一于去试吓啦！韩式吐司有成十余款，花多眼乱就拣咗个海鲜汇集嘅脆墨虾博士吐司，健康啲可加埋增量蔬菜，多咗生菜同蕃茄，食落感觉良好啲，营养更balance！一拎上手特别重手，皆因佢真系几巨型～好彩同朋友一齐分享，唔系一个人食全份都已经会饱咗！切开后睇到佢嘅层次，主角炸虾饼同墨鱼圈仲带啲炸物嘅脆感，虾饼食到虾粒都几鲜，加埋蜜糖芥末酱后湿润啲，仲有新鲜蔬菜同酸瓜清脆嘅配合，确实唔错！韩式吐司一大特色就系吐司本身会带甜味，甜甜咸咸嘅配搭又几受落㖞！饮品选择都相当多，其中冻济州鲜奶抹茶嘅抹茶味真系几浓，冻饮其实上半部带点沙冰形态，有啲令我回想返几年前饮嘅星x克星冰乐，总之就系好饮啦！同吐司组合嘅套餐价都相对抵食，绝对系轻食之选，推介啊！