軒尼詩冰廳 (柯布連道)

营业中

休息中

喺会展附近做嘢，晏昼周围都好多打工仔四处觅食。为免同人迫，已经12:00走出嚟😎😎点知都系咁多人😆😆依间餐厅有上下层，喺门口见佢个是日餐牌都几吸引，有焗饭！一于试试！除咗是日午餐之外，佢哋嘅餐牌仲有其他选择，欧洲pasta系列，咖喱，同埋一啲港式粉面。焗什椒汁牛扒饭因为我见餐牌上面冇依个选择，系是日午餐先有，机会难逢，梗系唔可以错过啦😆😆依个焗饭，绝无欺场，个汁非常香，非常惹味，除咗黑椒之外，仲有三色椒！牛扒亦都有惊喜，两大块，唔会太薄，而且肉质真系牛扒感觉，而唔系俾粉腌制到林晒👍🏼因为个汁真系好正，仲要有少少芝士，超好𩠌饭，如果个炒饭底可以多少少，就更加理想😎😎例汤：霸王花，都几清甜，唔错唔错。