熊小館 (已結業)

同咁多只可爱嘅熊仔食饭真系特别开心！经过熊小馆俾佢门口只大熊仔吸引，所以就同小朋友试吓。餐厅周围都放满熊仔，从装潢、摆设到餐具都充满心思，未开始食都已经觉得好治愈！呢度嘅tea set都有唔少选择，而且价钱平均都系$30-50，再加上有咁多熊仔相伴，性价比高。小熊套餐B有肉酱意粉、肠仔、牛油粟米及小熊啫喱，以熊仔餐具盛载，卖相已经够晒吸引！个餐本身包左一杯鲜橙汁，可以+$8转橙汁熊熊，有只冰熊仔喺饮品度真系超可爱！烤鸡肉罗宋汤螺丝粉味道酸酸甜甜好开胃，鸡肉都几滑烤棉花糖吐司呢个小朋友见到真系超开心，吐司上面铺上满满嘅棉花糖及朱古力浆，食落甜丝丝，不过记得要趁热食！