Asok Thai Cake (已搬遷) 新店位置

中环揾食艰难，又要唔太贵又要有特色，想必会到中环街市看看。有不同类型的食店，除了地下foodcourt, 其他都主要做外卖为主。今日谂住去买外卖返公司食，俾我见到呢间新开的泰式蛋糕店，仲要件件都系打卡之选，就决定买返几件，同同事分享。系办公室食榴梿蛋糕，口味好似重咗少少，好浓的榴梿味mousse, 最惊喜系除咗有海绵蛋糕 系入面，仲有mochi, 口感大不同，好有层次。仲有椰青同芒果造型的蛋糕。个椰青睇落同真的一样，食埋呢两个就知，都系有海绵蛋糕配多重layer, 增加不同口感。椰青口味会比芒果味清新，有真椰子肉系入面，更有口感。而芒果造型蛋糕，其实系芒果糯米饭味，味道会更复杂，为芒果配搭椰子味的mousses, 再有mochi, 层次更高。虽然卖蛋糕为主，但有见到似donut 的软面包同糯米糍，就各买咗一件做午餐。香蕉味的糯米糍，个糯米糍烟靭得嚟又好软熟，食到香浓的香蕉味道，入面有海绵蛋糕同忌廉, 细细一件都有唔同层次。而软面包就系椰子口味，外表同donut 一样，少少沙糖系表面，中间有口感比较轻的忌廉馅，淡淡的椰子味，唔会腻，同埋价钱相宜。