氣噗噗

营业中

休息中

今日同朋友做完运动一齐去左食台式火锅。去左马鞍山新港城中心嘅气噗噗台式火锅店。餐厅都几大，有鸳鸯锅同一人一锅嘅枱可以选择，符合唔同食客嘅要求。十全排骨汤有惊喜，药膳味香浓顺口，仲非常足料，健康汤底首选。尚品嘅任食有几款牛，羊肉，猪肉等。丸类，台式熟食，饮品任饮，仲有甜品雪糕。第一转叫左两款牛，我地推荐牛板键腱，肉带少少筋，火锅黎讲厚度刚好，食落都几有牛味，唔会太韧。羊肉唔膻，肉质都唔错，几好食。熟食选择比想似中多，仲充满台式口味三杯鸡，鸡肉几嫰，调味啱啱好，食落惹味。脆皮肠，外脆内juicy,真系好有台湾夜市嘅风味！仲有好多卤水小食，卤蛋，卤豆腐等等，好入味。仲有海鲜可以拣，带子，鱿鱼，青口等等。我地试左带子，味味都几鲜，鱿鱼爽口，而且唔腥，唔错。跟餐有两杯台或饮品，一杯叫左仙草奶茶去冰去甜，另一杯叫左柠檬爱玉蜂蜜绿茶。仙草奶茶香滑，仙草清新解腻。柠檬爱玉蜂蜜绿茶，绿茶回甘味几重，蜂蜜甜度啱啱好，配埋柠檬同爱玉，同样好啱配火锅解腻解渴。餐厅多选择，店员服务有礼，钟意火锅都系个好选择气噗噗。