魚米家魚湯米線 (已結業)

夜收工, 又俾附近另一间唔掂既食肆激到庆庆地, 拣无可拣黎左鱼米家。呢间野都一段日子冇黎, 唔系冇得拣都唔好预我...一行两人叫左一碗 "蕃茄汤鱼腐泡饭" 同一碗 "鱼汤云吞米线", 食物卖相不过不失, 泡饭一黎先试一口蕃茄汤底, 哗! 咩事呀? 咁难饮既? 个汤唔热, 超咸, 饮落去好似茄酱开暖水再加一羹盐咁, 肚饿到死, 叫佢换又唔系, 唯有隔汤食几啖泡饭, 同埋食晒D鱼腐佢就算... 另一碗米线, 又试下个鱼汤底, 哗! 搞咩呀? 又系咁咸既? 见住我老婆又系系咁意食下, 最后剩返半碗米线同埋大半碗汤底... 埋单后我地异口同声话... 冇下次... "鱼汤米线大王" 卖D咁既招牌汤底, 其他野再好食都死火啦...