影片
更多
2015-08-22
1992 浏览
Kani@观塘（1/10）（$138-268）大家唔好谂工厂大厦既餐厅必定系啲咩隐世餐厅，呢间绝对系观塘工厦餐厅伏中之霸，惨在谂住同班同事一齐上黎试新野食好野，点知就集体中伏，foodki已经好耐好耐无食过一间咁伏，我心里既一团火呢刻要爆啦，要用十成功力骂爆你。服务态度呢一方面真系垃圾到无论，店员黑口黑面就已经系常识，foodki同同事叫埋同一个鱼生饭，配菜一样就应该架啦，点知我地见到点解配菜唔同既，我同同事食左啖配菜，即刻骂左出声，点解可以咁难食，酸酸臭臭。就谂住问下佢啦，点知佢就讲：另外一只卖晒啦。简简单单一句卖晒就比啲垃圾配菜我地foodki真系忍唔住讲左句：你卖晒就比啲咁难食既野我地食，你唔识一早同我地讲？最后佢黑面死死气入去拎多杯玉子比我地，然后收番兜垃圾。（玉子都唔好食既，不过唔臭啰）仲有，我地未食完啲野，问都唔问就收左佢，你想点？赶我地走？你间餐厅咁大，坐得几枱客，洗唔洗咁急住赶我地走啊？foodki好不幸坐左佢地所谓既"儿童天地"既前面，望落去就其实得啲矮啲既凳，同一张枱仔。讲真我地唔系怪啲小朋友系到嗌，系到玩，小朋友控制唔到系好正常。但佢地系我耳边尖叫啊，我地一行８人
Kani@观塘
（1/10）（$138-268）
大家唔好谂工厂大厦既餐厅必定系啲咩隐世餐厅，呢间绝对系观塘工厦餐厅伏中之霸，惨在谂住同班同事一齐上黎试新野食好野，点知就集体中伏，foodki已经好耐好耐无食过一间咁伏，我心里既一团火呢刻要爆啦，要用十成功力骂爆你。
服务态度呢一方面真系垃圾到无论，店员黑口黑面就已经系常识，foodki同同事叫埋同一个鱼生饭，配菜一样就应该架啦，点知我地见到点解配菜唔同既，我同同事食左啖配菜，即刻骂左出声，点解可以咁难食，酸酸臭臭。就谂住问下佢啦，点知佢就讲：另外一只卖晒啦。简简单单一句卖晒就比啲垃圾配菜我地foodki真系忍唔住讲左句：你卖晒就比啲咁难食既野我地食，你唔识一早同我地讲？最后佢黑面死死气入去拎多杯玉子比我地，然后收番兜垃圾。（玉子都唔好食既，不过唔臭啰）
仲有，我地未食完啲野，问都唔问就收左佢，你想点？赶我地走？你间餐厅咁大，坐得几枱客，洗唔洗咁急住赶我地走啊？foodki好不幸坐左佢地所谓既"儿童天地"既前面，望落去就其实得啲矮啲既凳，同一张枱仔。讲真我地唔系怪啲小朋友系到嗌，系到玩，小朋友控制唔到系好正常。但佢地系我耳边尖叫啊，我地一行８人，地方又大，点解要比我地坐系一班疯狂尖叫既细路格离。
讲番食物，食物性价比极低，佢地既野食真系唔能够讲系难食，但真系一啲都唔好食，好似去左一间普通既鱼生饭店，顶尽比佢50蚊货仔，但佢一个极普通鱼生饭要$138以上，$138果个仲要黎到系鱼生得极少😢，啲讲句争鲜既鱼生饭鱼生都多过你啦，垃圾。foodki食既就系海胆鱼生饭，盛惠$158。咁你叫我讲佢质素系点,我就会话,海胆真系好难难食架。如果要价138-188一个鱼生饭，我去食定食doraya唔好?
佢地除左鱼生饭，仲有火锅，火锅质素同样都好难难食，但以性价比黎讲，我地真系宁愿去吉野家吉下野算啦😂😂。佢地既份量同样好细，
我地仲叫左个ribs,两块,等左20分钟,味道同我lunch食既factory 99 差不多,加埋薯条,个薯条真系好淋,又唔好食。我地最后食完盛惠$1050。(一个同事听我地讲无叫到野食)。食完好快就去左食麦当劳,麦当劳既薯条仲好味过佢。食得仲开心。地点：工厦餐厅偏就预左，去到揾极都揾唔到路上去，迫住搭货lift上去，其实都无乜野，点知走既时候发现有条楼梯系正工厦门口出面（因为１楼），你乜指示都无，你话你系咪，捉到鹿都唔识脱角，加个牌仔话比人知垃圾kani行呢条楼梯上去架啦，行条楼梯就有伏野食架，都唔识加。
今次食完真系好内疚，带同事集体中伏食生日饭，一切都系foodki既错....唉
地址：观塘敬业街65-67号敬运工业大厦1楼A室
张贴
