小酒窩餐廳

营业中

休息中

去佐敦庙街呢一度，永远出现人龙嘅当然少不了呢一间小酒窝餐厅。我系呢度都食过几次，今次朋友生日亦都推荐佢哋喺呢度食，其实都系源自于我嘅自私心，因为我都好想食。我哋首先打黎book位，因为惊到时候太多人排队无位。我哋book咗八点半，不过去到都要等一阵先入到去。呢度嘅招牌沙律好出色，不过我哋今次就叫咗鲜虾芦笋沙律＄132，呢度嘅沙律份量好大份，足够三四个人分享。鲜虾非常爽口弹牙，另外佢都先用d酱料餣过，所以鲜虾非常入味。沙律菜亦都好新鲜，佢用少少酸酸甜甜嘅黑醋汁调味，所以更加开胃！仲有我最钟意食嘅牛油果！主菜我哋叫咗最出名嘅四季Pizza $138， Pizza馅有好多鸡肉同埋芝士，超级好味！特别嘅系佢上面有啲cream cheese，所以令佢味道更香更浓。佢系薄批，所以好香脆，食多几件都唔会觉得太济。忌廉鲜菇意大利饭，非常香滑。意大利饭好烟银，粒粒分明，好creamy嘅感觉，忌廉味好香好重！另外都叫咗半份BB猪肋骨＄148，佢系比较林身，所以好易就能够分开肉同埋骨，食得方便。另外佢嘅卖相好靓，用心形碟上，同情侣去食就啱晒！最后埋单＄500，但系食到超级有质素嘅西餐，好满足！一定会再嚟。