維港冰室

营业中

休息中

作为香港人嘅comfort food，港式嘅冰室同茶餐厅真系随街都揾到一两间，要突围而出，除咗价钱、味道之外，多元化嘅菜式相信系铜锣湾维港冰室嘅魅力所在。港式饱饼、焗饭碟头饭、铁板餐等，而小菜嘅选择就连酸菜鱼都有，真系花多眼乱呀！蛋挞蛋挞系酥皮底，非常松脆，而且蛋味香浓，绝配当然要加上一杯香滑浓郁嘅港式奶茶啦！招牌黑椒牛柳王牌铁板套餐港式铁板餐嘅牛扒质素当然无得同西式扒房相比，但维港冰室嘅出品亦绝不失礼，绝对系茶餐厅嘅豪华之选！五成熟嘅牛柳，生熟度啱唔好，肉汁丰富而肉质嫩滑！至于牛柳嘅卖点系牛味香浓，淋上微辣嘅黑椒汁，绝对系最佳拍挡。薯菜系有一整个焗薯，真系够晒饱肚呀！招牌酸菜鱼套餐去冰室茶餐厅最正系选择多，小菜更加以酸菜鱼作招牌呢！酸菜鱼嘅鱼片相当滑溜，配菜方面除咗酸菜，仲有相当多嘅莴笋同什菇作为衬托。至于酸辣嘅平衡啱啱好，唔会过酸或过辣，用嚟送饭相当唔错。