餃里 (蕪湖居)

营业中

休息中

今日带阿仔踢完波，落车经过见到呢间全人手包既饺子店~饺里，就决定买外卖返屋企开餐。小店采用开放式厨房，可以见到每张单下面都有一个计时器，计算制作时间，煎饺须时10分钟，汤饺就8分钟，认真态度令我哋愿意耐心等候。饺子有十几款口味，汤饺或煎饺任君选择，仲可以双拼或叁拼，更有清新素菜系列，配合不同客人须要。我哋叫左叁拼汤饺，包括味道传统既椰菜鲜肉，味道香浓既香荽鲜肉，及味道特别既紫菜鲜肉；另外每款汤饺都配上住家汤水，我拣既老火椰子猪骨鸡汤，不添加味精，汤头鲜甜不油腻，外卖仲可以分汤，唔会浸淋饺子，好细心。煎饺就叫左韭菜鲜肉和芝士粟米鲜肉，每一只饺子既外皮都煎得金黄脆口，咬落去馅料鲜嫩多汁，韭菜煎得劲香；芝士味道浓郁，粟米粒爽口，更有少许拉丝效果。饺里捞面唔辣，配上小店自家制酱汁和辣菜脯，令平凡既面条生色不少。总结，饺子超多口味，用料新鲜，份量十足，饺子控不要错过。