巧得鍋 (已結業)

约左几个旧同事小聚，因为佢地番工地方近观塘，所以就拣左巧得锅打边炉，边食边打可以坐耐少少。叫左酸菜猪肚汤底，无论酸菜定猪肚都非常足料，简直可以当多个𩠌，打到最后仲有得食，特别系啲猪肚煲到冧晒，好好食。呢度啲用料都几鲜夹抵食，份量都几够，三个人分刚刚好。如果同价钱仲可以双拼，岩晒啲每样都想试，但又惊食唔晒既人。手切手颈脊牛肉厚切，有牛味，值得推介。花雕醉鸡只鸡都几大只，肉质嫩滑莴笋拼芋丝莴笋新鲜爽口。红薯粉拼娃娃菜，红薯粉好烟韧有咬口。仲嗌左淮山拼乌不过唔记得影相，第一次食淮山，口感好新奇，粉粉地又黏黏地。仲有即炸响铃拼鱼肉春卷，响铃正，索晒啲汤既精华，打边炉必嗌之一。