芝加哥串燒酒場 (太和中心)

近来想食少啲精制淀粉，所以食串烧都系个几好嘅选择，喺太和呢间既系餐厅，又系酒吧～食物超多选择！一张串烧纸系超密密麻麻，咩都有得食😋😋首先每枱都有杯花生奉上，几开心，饮嘢至正，同埋我哋对住电视位，睇波系一流！然后拣咗一轮，我哋想咩都试啲，首先喺另外个menu点咗碟生虾刺身，都有啲试吓先嘅感觉，但觉得都几唔错👍🏻个汁有少少辣～黑松露薯条有啲惊喜，无谂住个面有咁多黑松露，再有黑松露酱点嚟食！黑松露爱好者必点！双重享受🤤🤤🤤（唔好意思，仲有茄汁㗎，但俾我ignore咗🤪）串烧叫咗A5极品和牛串、盐烧牛舌芯、炭烧猪颈肉、鸡肉软骨棒、原条茄子烧、韭菜烧、蒲烧鳗鱼串、烧羊架、孜然烧羊腩～虽然和牛串要过百，但都要讲真心值得食！！入口即溶好正🥹🥹🥹串烧大部分都中上质素，无嘢系唔好味，同埋唔会烧到鞋同韧～～另外，鸡肉软骨棒配咗生鸡蛋、羊架配薄荷酱点，感觉好细心！！再者，有韭菜烧食真系好开心，有时有啲串烧店都唔一定有，而我其实几钟意，推介必点！饮品叫咗杯手工啤 - IPA同Cider，味道几易入口，Apple Cider唔会有阵死甜味，有阵甜味得嚟几fresh ～男朋友揸咗车就无饮酒精饮品（呀！呢度对出就有