牛品台式火鍋

营业中

休息中

今日黎呢间台湾火锅店食自助任食边炉，呢度都几多几食，有主打嘅火锅之外，仲有好多台湾食品，个价钱唔算太贵，所以今日同朋友一齐去，朋友食完都话下次可以再encore。呢度都几多款汤底选择，有差唔多十款，每款都好似几好味，我地最终叫咗沙茶海鲜汤底，个汤底都几香浓沙茶味，入面仲有大虾同大蚬。出面有大量台式丸同好多火锅配料，有d都几特别，出面好少有得食。有好多熟食，有台湾小食，肉燥饭都有。d牛肉劲新鲜劲靓，脂肪分布非常均匀，食落非常嫩，好重牛味，真系encore咗好多碟，佢地上菜速度都非常快。出面d甜品都几正，有自助吧，可以自由配搭台式芋圆，仲有4款haagen-dazs雪糕，最特别系可以自己整雪花绵绵冰，可以自己加雪糕或者加芋圆。我地食牛御品餐，所以每人送一杯春阳茶事嘅台式饮品，我地叫咗珍珠鲜奶茶，都几好饮，珍珠好烟韧，奶味好浓。