四寶食堂 (已結業)

旺角周街都系茶餐厅，但最受欢迎应该都系四宝食堂，因为每次晚饭时段都见到有人排队。上次经过望咗吓餐牌，中式西式港式都有，炒粉面、常餐、客饭、炖汤、意粉、汉堡、锯扒等等，一家人去就算口味唔同都梗有啱心水嘅，所以今日带咗爸妈嚟试吓，叫咗几样嘢开心share。【烧美国极级牛板腱】叫咗七成熟，上碟已经系切开咗，肉色鲜嫩，牛肉味浓，亦有烧烤香味。配菜除咗西兰花苗仲有成个惹味烤蒜头，几有特色。牛扒餐跟一个厨师发办沙律，今日系【樱花虾苹果沙律】，鲜爽又解腻，营养均匀。老豆就最钟意饮汤兼且无饭不欢，叫咗个【一人前养生炖汤晚餐】，包一盅炖汤同客饭，今日系【五指毛桃煲虫草花】，都几足料有火喉。客饭【碧绿翠肉瓜炒斑球】，翠肉瓜同斑球都几多亦炒得有镬气。【拔丝山渣汁菠萝咕噜西班牙黑豚肉】夹起件咕噜肉真系有拉丝效果，酸酸甜甜劲开胃。咕噜肉系西班牙黑豚肉，口感外脆内软。菠萝系鲜切菠萝肉，食吓生果帮助消化。我同妈妈一人一杯特饮。【紫薯雪糕拿铁】粉紫色好靓，如果多啲装饰卖相就更好～每一啖都有紫薯柔和嘅香甜，加上炎炎夏日有雪糕食，爽呀～【黑加仑柠檬梳打】提子甜味同柠檬酸味完美配合，梳打汽泡令饮品更清爽，消暑一流呀～食完爸