大山日本料理

营业中

休息中

今日系旺角食咗一间几抵食嘅日本餐厅，位置就系兆万对面。搭电梯上2楼都系居酒屋嘅布置，近窗边仲可以望到西洋菜南街添。食物都好多元化，拉面、串烧、炸物、锅物、刺身、寿司乜都有。见佢有特价小食就叫咗一客吉列广岛蚝寿司伴芝土黑松露酱，两件都系$18。吉列蚝渣都好鬼脆，芝士黑松露酱个味浓就冚咗蚝嘅腥味，仲要上边热辣辣即叫即整。另外佢啲杂锦刺身饭，都系做紧大约$88 呢啲价位，都真心几平。叫咗杯啤酒饮，除咗杂锦天妇罗送酒之外，烧三文鱼皮都好鬼正，鱼皮脆卜卜，下便有连埋少少鱼肉，咸咸香香。如果饮酒一定要试。