星怡

营业中

休息中

呢间餐厅主打新加坡菜，但系都会有中式西式，啱晒唔同人嘅口味，餐厅有室外室内位置，座位好多，食物质素高，下次会再嚟帮衬。新加坡鱼蛋喇沙🍜喇沙汤底好足料，好重椰香味，好浓郁，但系又唔会太辣，鱼蛋鱼片份量好多，鱼蛋超级弹牙，整体超级推介，超好味！新加坡白胡椒肉骨茶🍲估唔到嗌咗最细份量都唔少，有四条一字骨，每一条都啖啖肉，汤底好重胡椒香味，豆卜索晒汤底嘅味道，加埋油炸鬼，超级正宗。海南鸡饭套餐🐣海南鸡系无骨嘅，所以食起上嚟啖啖肉，好方便，个饭香香茅味，一啖接一啖好快清晒，个汤个调味都啱啱好👍🏻南洋咖央鲜油多士🧈🍞虽然多士上枱嘅时候唔算好热，但系牛油都有少少半溶状态，仲可以喺三种口味入边拣，我就拣咗榴梿味，每一啖都充斥着榴梿嘅味道，牛油超级厚，超级邪恶。芒果椰汁沙冰🥭🍹 青柠话梅水🍋🍸前者非常足料又大杯，建议说冰可以打碎啲，咁就可以容易啲饮到；后者嗌咗少甜，更加饮得出青柠同话梅嘅味道，越饮越开胃，推介！