影片
更多
2024-05-28
29 浏览
自从同女朋友喺日本返嚟之后呢两个礼拜都冇见过，今晚终于就到时间可以见面，对于日本嘅食物意犹未尽嘅我哋拣咗一间日式串烧。佢嘅选择真系好多，我哋都叫咗好多唔同嘅款式，当中一定唔少得海鲜。先讲吓佢呢度最特别嘅系呢个鸡皮紫苏叶虎虾。佢只虾本身好大只好弹牙，然后个紫苏叶独特嘅味道再加埋脆卜卜嘅鸡皮，呢一个配搭真系好好味。然后我哋叫咗一只扇贝，佢个size真系好大，因为我哋两个一人一半，佢烧到啱啱好，够晒Juicy，海鲜嘅嘢最重要就系新鲜，要够新鲜先食到佢嘅鲜甜味。另外我哋叫咗两只生蚝，佢呢个生蚝就抵食啦，$48两只大大粒胀卜卜，摆落口真系超满足。然后我哋拣咗一串烧白鳝，佢呢个落咗姜葱，我味道比较中式，好似蒸鱼咁都几得意，个白鳝都好够爽脆，好味。然后仲有呢个鳗鱼芝士玉子烧，酱汁鳗鱼甜甜咸咸，芝士又咸咸地，外层嘅玉子加咗一层焦糖脆卜卜又甜甜地，成件事好得意，但系又好好味。另一个几得意嘅系豚肉荔枝卷，中间嘅荔枝系罐头荔枝，所以都会比较偏甜，不过呢个食法都几新颖。相比之下呢一个豚肉无花果卷会更加清甜，因为新鲜嘅无花果味道比较淡，能够更加突出豚肉嘅猪味。然后呢个系松阪猪同埋鸡肝，松阪猪我嫌佢佢有少少偏咸，
佢嘅选择真系好多，我哋都叫咗好多唔同嘅款式，当中一定唔少得海鲜。先讲吓佢呢度最特别嘅系呢个鸡皮紫苏叶虎虾。佢只虾本身好大只好弹牙，然后个紫苏叶独特嘅味道再加埋脆卜卜嘅鸡皮，呢一个配搭真系好好味。
然后我哋叫咗一只扇贝，佢个size真系好大，因为我哋两个一人一半，佢烧到啱啱好，够晒Juicy，海鲜嘅嘢最重要就系新鲜，要够新鲜先食到佢嘅鲜甜味。
另外我哋叫咗两只生蚝，佢呢个生蚝就抵食啦，$48两只大大粒胀卜卜，摆落口真系超满足。
然后我哋拣咗一串烧白鳝，佢呢个落咗姜葱，我味道比较中式，好似蒸鱼咁都几得意，个白鳝都好够爽脆，好味。
然后仲有呢个鳗鱼芝士玉子烧，酱汁鳗鱼甜甜咸咸，芝士又咸咸地，外层嘅玉子加咗一层焦糖脆卜卜又甜甜地，成件事好得意，但系又好好味。
另一个几得意嘅系豚肉荔枝卷，中间嘅荔枝系罐头荔枝，所以都会比较偏甜，不过呢个食法都几新颖。
相比之下呢一个豚肉无花果卷会更加清甜，因为新鲜嘅无花果味道比较淡，能够更加突出豚肉嘅猪味。
然后呢个系松阪猪同埋鸡肝，松阪猪我嫌佢佢有少少偏咸，不过可能咁啱送酒。但系我想讲嘅系佢个鸡肝真系好粉嫩好好食，完全系鹅肝入口即溶嘅口感，绝对值得一试。
然后我哋叫咗个免治鸡肉酿冬菇，不过佢免治鸡肉就比较淋少少，唔似酿其他墨鱼滑咁弹牙，加埋冬菇本身都系软身，所以成嚿就比较腍。
串烧边度可以少得烧菠萝，一样叫咗一串唔使争，超甜超多汁，最适合做甜品。
另外仲有一个番薯条，佢呢个番薯条炸到外脆内软，再加埋放咗个牛油喺面，虽然好邪恶，但系劲香，呢个都系好欣赏嘅甜品。
食日式串烧点少得sake，我哋试咗一支真澄，呢只酒加咗香蕉同埋苹果，入口嘅时候会比较清甜，啱晒女仔饮。
张贴
