嚐館 (已結業)

🏬黄大仙中心都算系一个美食中心，而入面既呢间Cityfresh Bistro有齐晒中西日韩唔同菜式，可以一次过满足晒唔同人既口味。🍝意大利拿坡里肉酱意粉$65佢既焗野全部都系新鲜焗起，热辣辣，一打开就闻到好香既蕃茄肉酱味道，肉酱份量都多，条条意粉都有肉酱超满足。 🧀芝士忌廉汁焗鱼柳饭$65鱼柳有成个手掌咁大块，而且肉质口感唔错，唔系平价质素。下面个饭仲配有西兰花、椰菜、红萝卜同菇，好丰富。白饭选用珍珠米，有惊喜。 🐂砵酒烧汁烩美国优质牛肋肉配饭$88饭同𩠌系分开摆既好贴心，望落好整齐，卖相好。呢个🐮🐮牛肋肉好好味，炆得好软熟，有肉味。配菜有同样软腍既薯仔，酱汁有好香既🍾酒味，配埋珍珠米食一流。 🧑🏽‍🍳每个套餐都会包一杯饮品，而且餐厅装修有心思，配色好柔和，职员服务都好好，门口仲有d烘焙面包🥐同甜品，下次会再去试下。