夢 (已結業)

Item: 夢
Rating: 4
Author: tht_dawn

Yume Cuisine

4.5

248 食记

味道

环境

服务

卫生

抵食

15291

中环

$801以上

日本菜怀石料理厨师发办

228

tht_dawn

等级4

1.4K

食左咁耐外卖，终于等到开返晚市堂食，当然要食餐好嘅。梦系少数主打食怀石料理嘅高级日本餐馆，两年前都食过一次，今次再黎仍然有惊喜，因为每一道菜都比之前更精致，靓到好似艺术品咁唔舍我食，成餐饭都非常梦幻。餐厅分左寿司吧枱同普通餐枱，天未黑就黎到所以未有其他食客，虽然系咁，但餐厅因为卫生问题，都会尽量安排食客坐返餐枱。晚餐分左三个唔同价位，我地拣左最经济嘅季节怀石($1,380/人)，里面包左前菜、刺身、热盘、味噌汤同甜品。第一道前菜用一个长方形木盒装住，打开木盒原来系由红菜头汁造嘅脆筒，里面放左萤光鱿鱼，脆筒好对好脆，入面嘅萤光鱿鱼唔会太咸。食完先付就黎到八寸，佢都系前菜嘅一种，因为以前通常会放喺长宽约八寸嘅盒入面上枱而得名。八寸嘅食材一般会根据季节而定，哩度嘅八寸都会每三个月转一次。八寸放左喺幅画上面，四月系樱花嘅季节，所以画上面都放左棵樱花树同重现左满地樱花花瓣嘅场景，超级浪漫～！！上面放左四款唔同食材，由左至右分别系，蚕豆伴帆立贝他他、炸樱花虾芋泥、北海兖白露笋同芝麻豆腐，全部一口一粒，的骰又精致，其中我最钟意芝麻豆腐，因为芝麻味好香好重。食完八寸，之后侍应就送黎一个长方形雕花木盒同

48 浏览

0 赞好

0 留言

晚餐分左三个唔同价位，我地拣左最经济嘅季节怀石($1,380/人)，里面包左前菜、刺身、热盘、味噌汤同甜品。

第一道前菜用一个长方形木盒装住，打开木盒原来系由红菜头汁造嘅脆筒，里面放左萤光鱿鱼，脆筒好对好脆，入面嘅萤光鱿鱼唔会太咸。

食完先付就黎到八寸，佢都系前菜嘅一种，因为以前通常会放喺长宽约八寸嘅盒入面上枱而得名。八寸嘅食材一般会根据季节而定，哩度嘅八寸都会每三个月转一次。

八寸放左喺幅画上面，四月系樱花嘅季节，所以画上面都放左棵樱花树同重现左满地樱花花瓣嘅场景，超级浪漫～！！

上面放左四款唔同食材，由左至右分别系，蚕豆伴帆立贝他他、炸樱花虾芋泥、北海兖白露笋同芝麻豆腐，全部一口一粒，的骰又精致，其中我最钟意芝麻豆腐，因为芝麻味好香好重。

食完八寸，之后侍应就送黎一个长方形雕花木盒同一个扁圆铁罐。铁罐入面系用左低温方法处理嘅北海道牡丹虾，上面再放左黑到发亮嘅黑鱼子，而木盒入面系三种唔同味道嘅米纸，分别系黄柚子、黑松露同樱花虾。

食时可以将适当份量嘅牡丹虾放喺米纸上面，米纸好薄好脆，所以放牡丹虾时都要用阴力，牡丹虾虽然唔系平时成只虾嘅形状，但入口一样超鲜甜。

食完三道前菜，侍应又送黎一个更大嘅木盒，打开原来系刺身三品。

刺身周围用左好多仿真花同蝴蝶做装饰，成个花园咁好梦幻。由淡味食到浓味，可以先食下面嘅依佐木，鱼味比较淡，可以蘸芥辣同豉油会带出鱼鲜味。之后可以食右上角嘅北海道帆立贝，佢本身已经加左青柠汁同竹炭盐，所以就咁食已经可以，青柠汁点到即止，唔会抢晒帆立贝嘅鲜甜味。最后可以食左上角嘅梳子鱼，就咁睇会觉得油份好丰富，但食落又唔会成口油咁。