大澳冰室小廚

营业中

休息中

今日同朋友同佢家人去咗佢哋屋企附近嘅一间历史好悠久嘅冰室 大澳冰室小厨 食brunch 朋友叫咗个好有香港特色嘅叉烧意粉，因为佢喺外地返嚟， 好想试下净系香港先食到嘅呢一个汤意粉，同埋叉烧。而我自己叫咗鱼柳早餐，一嚟到上枱个鱼柳大到我哋全枱人哇咗一声，真系好大！系平时出面食鱼柳早餐嘅两三倍！ 绝对冇夸张！后来旁边有客人见到都问侍应呢个系咩餐哈哈！ 鱼柳食落口肉质嫩滑厚实，配埋沙律酱好好味，滑蛋也做得非常嫩滑， 而且仲有健康嘅沙律菜喺旁边，可以一边食吉列鱼柳一边解腻。至于朋友嘅妈咪就嗌咗另一个set，有煎双蛋，餐包，火腿香肠。 而呢度嘅奶茶亦都非常香浓，我自己就点咗杏仁霜。