川味閣

营业中

休息中

同朋友去元朗行街，佢介绍我去食呢家常去嘅米线店。初次报到，确实俾碗面吓亲！实在太大碗嘞！应该两个人食都得。我叫咗两款𩠌，猪肠同鸡丝，猪肠份量较少，得四五旧，薄薄的，唔系好够喉。猪肠味唔太出，有啲又肥咗啲。而鸡丝份量都算多，鸡肉鞋咗少少，不过鸡味甜。本身怕辣，所以叫咗清汤，香料味略有不足，再浓啲多啲葱、芫茜会更好！面类都相当多选择，招牌米线够绵粘，浸几耐汤都唔会软。叫咗两碟小食试试，手拍青瓜。每逢有青瓜嘅地方，台湾面又好，四川米线又好，一见青瓜都会去试。呢度青瓜够爽脆，感觉新鲜，有麻油香，但麻辣味未完全入到去。再嚟尖椒皮蛋，啲皮蛋同平时见到嘅唔一样，蛋白部分透明，通透似晶体。食落啲味道就靠蛋黄，有啲流心，滑滑地，蛋味浓。有少少麻辣吊吓味有种解腻感。食完饱到食唔到晚饭。