金城茶餐廳

营业中

休息中

积福街好多食肆，有多野简，但之前新假期推介尼一间既生煎肉饼饭，今次有机会一试。今次去，果间舖出面装修紧，要仔细d揾，如果唔系好易miss左。入去差唔多5点4，舖头冇咩人，可以自己简坐系边，坐低无洗睇餐牌即刻落单生煎肉饼饭，好似熟客咁，其实我黎之前系openrice上研究过喇哈哈等左一阵，热辣辣既生煎肉饼饭终于上黎喇，肉饼超大超厚，用筷子夹起觉得很重，肉饼上面淋左d豉油，但饭里豉油就很少。有几条菜咬一口肉饼，有d油，因为肉饼中沟左唔少肥肉，又系生煎，所以肉饼很香，好腍，新假期无介绍错，正！张枱上有无限量攞既菜脯，小小辣，捞饭一齐食超正，店家都几大方既。一路食一路听阿姐同熟客倾计，几得意，几亲切，好似系屋企食饭咁生煎肉饼饭，肉饼超大超厚，又沟左咁多肥肉，饭亦好似唔洗钱咁多，一定超高卡路里，对于减肥既我黎讲好罪恶，50蚊唔平，又唔好浪费，所以如果可以有得简半份就好啦！今次因为系第一次试尼个饭，觉得热辣辣先可以食到最好状态，下次再有机会食，我一定会打包拎返去分两餐食，既唔洗有可以用黎解决两餐。