緣聚鮮鍋 (已結業)

最近屋企搞紧装修，成日都要揾朋友黎帮手，今日特意约佢地出黎，请返餐多谢佢地黎帮手～左谂右谂，最后俾我谂到，最好就系请食放题！一个价钱，食到佢地饱晒，咁就最抵啦。黎到荃湾，紧系要揾我最鍡食既老友介绍啦～真系冇介绍错嫁，呢间缘聚鲜锅，超级大间，外观睇上黎已经够晒吸引，服务又好到加零一！呢间好多野都系出面自己拎，我谂行二十次都拎唔晒所有野，真系又大又多唔同既款式，又食煮食，刺身，饮品，寿司，甜品，酒，基本上你谂得出既，佢都有，超劲呀～佢都有好多款汤底，今次我选择左寿喜烧，甜甜地，好特别，又唔会甜到流，煮起野食上黎，好容易吸晒Ｄ汤味！牛肉都有好多款，只要用手机影QR Code就可以落单，都好方便，牛肉，鸡肉同猪肉就用手机点，其他就自己出去拎，想要咩就夹咩，想要几多都唔怕，仲好过写纸仔啦！牛肉厚薄肥瘦非常均匀，啖啖食落都好嫩滑～另外系出面仲拎左小小熟食，有呢个卤水鸡翼，真系正呀！岩岩好够晒入味，嫩滑唔难肉～仲有猪手，细细旧，易入口，仲有好多皮，猪手皮先真最好食，一定要食呀～百几二百蚊就可以食到咁多既野，仲要一次食唔晒咁多款，饱到上喉咙！下次仲可以在黎食其他野，呢间真系平靓正～