檸檬冰室 (汝州街)

营业中

休息中

柠檬冰室喺汝州街新开无耐，但都未试过。呢日有机会试系因为有同事万岁请食下午茶😍。我就叫咗瑞士汁鸡髀配薯角，好似$42定$45，包热饮。自己未见到份餐时，同事分餐时已经哇哇声，点解呢？原来系只鸡髀🍗超大只！无讲错真系超大只，劲正，成只火鸡髀咁，仲要我𠮶只唔系炸髀外面有层炸粉㖞，真系成嚿都系肉。我拎住成只咬都觉得重呀🤣。味道方面，只鸡髀都几唔错，唔算话卤得超入味，但唔淡。肉质都几滑，无咩雪藏味。至于炸薯角都唔错，脆脆的。整体嚟讲，我好满意，如果想食鸡髀，一定会帮衬🍋柠檬冰室。同事叫炸髀同埋都咁大只，佢话味道都ok。总括嚟讲，呢个下午茶鸡髀餐真系好正😋，因为好少食到啲咁肥美嘅鸡髀，相反平日食到嘅都好奀，食完只鸡髀已经饱到唔想再食其他嘢。有机会嘅我下次会直接去𠮶度堂食午餐。