維港灣餃子坊

营业中

休息中

餐厅主打大大粒饱满饺子，汤底无味精，特登去元朗食。三色饺子并芫茜面，饺子皮薄，就咁望都估到内馅系咩味。每粒既size比正常既大之余，仲好多汁。内馅蔬菜鲜甜，肉馅唔多，所以好清新健康，亦唔会好济。面条既芫茜味道唔突出，但如果系芫茜馅既饺子，就好浓烈。双并饺子拣左京葱羊肉，羊肉甜，调味适中，食肉者叫尼款饺子唔错。配搭既汤超有家既味道，饺子本身既汤底已经好好饮，尼碗汤更有水准，饮完唔会口渴/口干，无味精。不得不提既系，小食都好出色。炸鲮鱼球大大粒圆渌渌，外层系脆，即叫即炸。食既时候，冒住烟。鲮鱼肉弹牙，完全唔腥。配搭旁边既咸酱，更加好食，更香口。炸豆腐粒金黄色，粒粒都外脆，内软绵绵化开，虽然系炸，但唔会油淋淋。同样都系即叫即炸，椒盐味足够。整体，除左饺子出色，大推铺头既炸物，炸得超有水准。重点系，食咁多野，价钱唔贵，抵食又好味。去左几次都一样好食。