반찬앤쿡 Banchan and Cook (時代廣場) (已結業)

喺铜锣湾行完街又系时候食晚饭，朋友话想食韩国野，于是就上网睇下有乜好介绍，见到喺Times Square嘅Banchan and Cook好多人赞，就去试下la！我地两个人叫咗三样野，《明太子慢煮鸡肉蛋包饭》慢煮鸡胸肉都算嫩唔嚡口，不过就偏咸。牛肉茄汁嘅炒饭底偏干冇乜味，要配埋半熟嘅滑蛋就比较好入口。至于个明太子汁就冻冰冰嘅，成件事好似将几样唔相关嘅野放埋一齐咁样《蜜糖无骨炸鸡》炸鸡嘅肉质系ok嘅，外皮就干咗d，而蜜糖汁就甜得滞，伴碟嘅薯条就炸得好干好硬《烤韩国豆腐配泡菜八爪鱼》碟𩠌一上枱我同朋友都对望咗一眼．．．因为同menu上面嘅相好大出入！menu上面嘅八爪鱼系一条好似好大条咁嘅，但系实物系得六片好薄嘅八爪鱼片！而且八爪鱼片好似系烚熟咗再用火枪辣一辣咁，又嚡又无味！豆腐就系正常豆腐la，泡菜亦唔好味，一d辣味都无！百几蚊食豆腐泡菜+烚八爪鱼真系十分唔值！喺网上见到咁多人推介衣间餐厅，本身系满怀期待嘅，但系最后系非常失望！