朱敏記小廚 (已結業)

平时行过，成日都好想试呢间嘅酸菜鱼试下。今日下昼唔想煮饭，就嗌回屋企试试啦。一开盖见到呈金黄色嘅酸菜鱼汤，夹起一片鱼片食，点知劲多鱼骨，每块鱼片都超过4条鱼骨，唔可以同白饭捞嚟一齐。一定要小心翼翼食完块鱼片，吐番啲d 鱼骨出来，先可以再爬啖白饭。连个汤都完全冇酸菜味，净系一味油同辣，完全饮唔落口。 鱼片系新鲜带甜味，但鱼片完全吸唔到酸菜嘅酸味。 而配料娃娃菜同红薯粉都吸唔到酸菜嘅味道。最后连主角酸菜都冇乜酸味。鱼、娃娃菜、红薯粉、酸菜四样料嘅味道都独立分开，完全唔觉自己食紧酸菜鱼，好失望，以后唔会再叫呢档嘅酸菜鱼食。