龍圖閣海鮮飯店

营业中

休息中

今晚约咗家人食饭，拣咗呢间之前电视介绍过嘅中菜馆，啲菜式真系几有质素，餐厅位置又方便。虾多士新鲜热辣炸起，多士好酥脆，虾胶份量好足，爽口弹牙有鲜味。好耐冇食过呢个怀旧菜式，好回味。话梅拌凉瓜D凉瓜好爽脆，散发住淡淡话梅香气再加上柠檬清新香气，呢个餐前小食好适合大热天时食。椒盐墨鱼咀呢个菜式出边比较少见，就算有都好难有好嘅质素。呢度嘅墨鱼咀大大嚿，多肉爽脆，完全唔会韧或者硬。酥脆嘅薄薄炸粉包住墨鱼咀加上惹味嘅椒盐，好好食，食唔停口，佐酒小食首选。冰川咕噜肉一大盘都几震撼，玻璃碟摆盆，打卡一流。冰镇嘅咕噜肉原来可以咁脆，仲要脆得黎系唔硬，好酥脆，里面嘅肉偏肥，猪油非常甘香，入口融化，肥而不腻。佢个咕噜汁系用传统山楂，食落有股独特香气。呢个菜式真系一试难忘。沙姜鸡煲一上枱，咋咋声，散发诱人沙姜香气，好有镬气，啲鸡真系好香口嘢味，而且好乱画，啲配料例如洋葱同西芹吸入晒啲鸡精华，好好味。淮山炒胜瓜食完咁多香口野，食返个清清地嘅炒菜，胜瓜爽腍，淮山同埋百合爽口，好清爽。