聚手工火鍋 (已結業)

星期五晚,约朋友食饭,系尖沙咀行下行下,见到有间新开嘅火锅店,咁就不如试下啦!入到去,虽然唔系好大间,不过新装修好舒服!之前就叫野啦! 叫左个梳啰鱼汤底,唔错㖞,我钟意鱼汤,所以真系几好味!跟住叫野食! 哗,好ok呀! 首先叫左个牛肉四式,分别系手切肥牛、牛展、牛舌、牛颈脊,每件都切到超薄,口感超好! 尤其系牛颈脊,好滑好滑好滑呀!之后叫左好多野食,但系全部唔记得影相,因为挂住食... 呢度啲食物真系好新鲜,我钟意打边炉所以真系觉得好正好正!特别推介: 鱼片、虾滑、水饺、鱼皮饺、皇帝菜! 食饱饱之际,系度同朋友倾偈话当年,点知原来仲有甜品!中间果件就系banoffi!!!! 我冇谂过可以系火锅店食到呢件超好味嘅甜品!!! 之后同番职员倾偈,原来呢度嘅女师傅每日都会整一款甜品,晚晚唔同! 今晚真系好彩,试到超好味banoffi!!!!!!