龍閣極上火鍋料理 (已結業)

今日下午我们去咗最近都无去过嘅旺角「龙阁极上火锅料理」饮下午茶！坐底之后见到他们推出咗一啲新款点心，所以我们叫咗松露带子饺、松露带子烧卖皇、原只鲜虾饺、荷塘上素四季饺、鲜虾菜苗饺、酱皇蒜香凤爪、安格斯牛柳肠、蚝皇叉烧包同白菌芝士带子盏！松露带子饺嘅卖相极之精致吸引，虾肉同带子非常鲜甜弹牙，饺皮相当烟韧弹牙！真系超好味呀！系本人嘅必食推介！松露带子烧卖皇嘅带子非常鲜甜嫩滑，松露嘅味道好芳香，猪肉嘅肉质亦好弹牙多汁！原只鲜虾饺嘅虾肉好大只同爽甜弹牙！荷塘上素四季饺嘅饺皮极之晶莹剔透，馅料嘅色彩非常丰富，味道相当芳香惹味！鲜虾菜苗饺嘅菜苗好鲜嫩，味道好清甜！酱皇蒜香凤爪炆得好谂好入味，蒜香嘅酱汁令凤爪更加惹味！安格斯牛柳肠嘅肠粉好嫩滑，安格斯牛肉嘅肉味极之浓郁，而且牛肉嘅份量超多！蚝皇叉烧包嘅包质好香滑松软，叉烧嘅味道相当香甜！白菌芝士带子盏嘅盏底炸得好香脆，冰冻嘅带子加上沙律酱同舖面嘅芝士一齐嚟食，令口感好丰富同真系好滋味！