NY Garden (已結業)

本人至爱食喇沙同海南鸡饭，见有新铺介绍，山长水远都去试吓啦！一入food court就见到间铺，望住餐牌，除了海南鸡饭必食外，喇沙都有好多款拣。有选择困难症嘅我，经老细推介点了南洋杂锦喇沙，仲可以拣掺掺添。唔系好多度地方有得食㗎！点完餐梗系去拣位啦！呢个food court啲装修又靓又干净。等咗一阵就有嘢食啦！先试喇沙个汤，够浓味又够香！望到碗上面啲料就开心啦！够多！蚬鲜甜，牛肉味浓，再试啲油面，朔晒啲汤汁！正！停唔到口！跟著食海南鸡饭，鸡又滑又嫩，唔会有浸雪味。估佢唔到系个椰子鸡汤，又浓又滑。呢间铺嘅老细真系够揼本，由食材，摆碟都见得到够哂诚意。呢个时势对食客的我来讲就好正啦！超推介！