黃金燒味 (已結業)

今日咁岩嚟到湾仔，经过见到呢间烧味餐厅环境唔错，而且不嬲都好钟意食烧味，咁就一于去试吓啦。呢度有别于其他食烧味嘅地方，因为通常都比较迫同环境唔会太注重卫生，但系呢度唔单止位置好坐，而且装修都几靓，最紧要系环境够晒干净。一坐低佢就俾咗两碟青瓜我哋，食落酸酸地好开胃呀。我同朋友就叫咗一个卤水拼盘同埋一个烧味拼盘，而我仲另外叫咗一碗濑粉。呢碗汤好好味，饮落够味但系冇味精，饮完唔会觉得口渴。烧味拼盘分别系油鸡，乳猪，叉烧，烧鹅。我自己觉得四只都咁正，但我最推介嘅系乳猪。因为佢唔单止个皮够脆，而且食落唔会太肥，皮脆肉嫩，点埋甜酱真系一流呀。呢个卤水拼盘分别有生肠，分题，牛展，鹅亦。我自己觉得最正嘅系生肠，因为佢除咗口感一流，而且卤水都好入味呀。虽然呢个系净濑粉，但食落原来都有特别。因为佢嘅汤底系有少少药材味，食落唔会太淡，而且感觉好健康。呢间烧味餐厅环境又好，价钱又平，估唔到啲烧味都一流，下次一定会再嚟食呀。