Oasis Bar & Grill (已結業)

酥炸原只软壳蟹蟹肉蟹膏意大利饭软壳蟹够哂大只，炸得好酥脆之余仲好有肉地，配合埋蟹膏意大利饭一齐食，口感丰富唔会滞。带子蒜香辣椒墨汁意粉带子煎到啱啱好，保留原有嘅鲜味，意粉系用墨鱼汁整嘅，食落爽口唔油腻，仲有阵阵蒜香味，非常惹味。炭烤西班牙粟饲猪胺配焦糖苹果蓉猪胺焗至大概八成熟，保留原有肉汁，两面煎得好香口，骨骼边既部位软嫩肥美，而苹果蓉点缀左整碟菜式，甜甜地令猪胺肉减低肥腻感，提高味觉享受。蒜香烟肉炒椰菜仔食太多肉所以叫左个菜中和一下，椰菜仔爽口唔会好硬，而且调味刚刚好。荷兰铁锅班戟配新鲜杂莓及枫糖合桃雪糕班戟系即叫即整，铁锅零班戟keep住温度，一切开就闻到浓浓蛋香味，配上各种杂莓、枫糖浆以及雪糕一齐食，非常不错。Refreshing passion以百香果、苹果汁、柚子蜜及薄荷嘅mock tail，口感清爽怡人，尤其欣赏用柚子蜜代替糖浆，唔会太甜而又略带清新。