Oasis Bar & Grill (已結業)

酥炸原隻軟殼蟹蟹肉蟹膏意大利飯軟殼蟹夠哂大隻，炸得好酥脆之餘仲好有肉地，配合埋蟹膏意大利飯一齊食，口感豐富唔會滯。帶子蒜香辣椒墨汁意粉帶子煎到啱啱好，保留原有嘅鮮味，意粉係用墨魚汁整嘅，食落爽口唔油膩，仲有陣陣蒜香味，非常惹味。炭烤西班牙粟飼豬胺配焦糖蘋果蓉豬胺焗至大概八成熟，保留原有肉汁，兩面煎得好香口，骨骼邊既部位軟嫩肥美，而蘋果蓉點綴左整碟菜式，甜甜地令豬胺肉減低肥膩感，提高味覺享受。蒜香煙肉炒椰菜仔食太多肉所以叫左個菜中和一下，椰菜仔爽口唔會好硬，而且調味剛剛好。荷蘭鐵鍋班戟配新鮮雜莓及楓糖合桃雪糕班戟係即叫即整，鐵鍋零班戟keep住溫度，一切開就聞到濃濃蛋香味，配上各種雜莓、楓糖漿以及雪糕一齊食，非常不錯。Refreshing passion以百香果、蘋果汁、柚子蜜及薄荷嘅mock tail，口感清爽怡人，尤其欣賞用柚子蜜代替糖漿，唔會太甜而又略帶清新。