影片
更多
2019-10-03
149 浏览
趁假期同屋企人去大澳行吓放松下心情，行过见到呢一间华利小食，由于天气太热🥵立即买左几枝不同款冰冻野饮解渴！我哋买咗紫贝天葵茶，柠檬薏米水、红豆薏米水同埋罗汉果桑叶茶，全部都好够味，唔系劲淡味加糖果d，所以不错！特别推介紫贝天葵茶🉐同埋柠檬薏米水👍🏻好解渴同去油解腻！当我地企喺店舖旁边饮住野唞凉嘅时候，望住啲糕点又被吸引住😍，特别系小朋友望住啲雪糕鸡蛋仔就嘈住要买，于是买咗一个B款雪糕鸡蛋仔，店主超好人＂毕咗＂超大球雪糕，鸡蛋仔都几香口👍🏻佢话净系周末先至有架！我地好好彩！由于我未食过艾饼，所以就买咗一个试吓，当然唔少得鸡屎滕啊，因为依家买少见少、越来越少地方有得买呢啲特色糕饼！呢度仲要系新鲜热辣辣好浓味，同埋佢软糯「烟银」适中，唔会话好实好滞！推荐大家买👍🏻我妈妈就赞佢啲茶果整得好，囗味几正宗😊
当我地企喺店舖旁边饮住野唞凉嘅时候，望住啲糕点又被吸引住😍，特别系小朋友望住啲雪糕鸡蛋仔就嘈住要买，于是买咗一个B款雪糕鸡蛋仔，店主超好人＂毕咗＂超大球雪糕，鸡蛋仔都几香口👍🏻佢话净系周末先至有架！我地好好彩！
由于我未食过艾饼，所以就买咗一个试吓，当然唔少得鸡屎滕啊，因为依家买少见少、越来越少地方有得买呢啲特色糕饼！
呢度仲要系新鲜热辣辣好浓味，同埋佢软糯「烟银」适中，唔会话好实好滞！推荐大家买👍🏻
我妈妈就赞佢啲茶果整得好，囗味几正宗😊
张贴
