廣島沾麵本舖爆彈屋 (已結業)

上次嚟呢间沾面舖已经系一年几之前嘅事。呢间系楼上舖，大厦个入口又细又隐蔽，我同朋友揾左一轮先揾到。今次夜晚9点几上到去，难得只有一枱人，可以坐得松动啲客人食完辣度20度以上嘅沾面，就会获得小木牌画公仔，而吧枱𠮶边就用咗呢啲小木牌装饰👇🏽👇🏽收银隔离有一个满满嘅sake同梅酒柜🤤我记得炸鸡好好食，即刻叫咗4件。睇多阵餐牌，我同朋友都叫咗辛味噌广岛热面，沾面辣酱由20至200度，我地分别叫咗25同20度(上次我食汤面，所以今次只系叫少少辣试水温)。另外，我地都叫咗一只烧鱿鱼。👆🏽炸鸡配柠檬汁超醒胃，鸡肉嫩滑无雪藏味，皮炸得超脆、粉唔厚，用了少少盐同味粉已经好入味👆🏽辛味噌广岛热面及炸鸡👆🏽25度嘅辣酱，食到谭仔大辣的我表示系5小辣，不过佢系辣椒𠮶只辣，食完个胃感觉好暖酱汁满布白芝麻，沾上面条加添咬口👆🏽拉面煮得刚刚好，咬落微微弹牙，不过净面就无咩味道，得好少面香，连大量葱丝及酱汁食就好好。叉烧比好多舖头嘅厚及大块，膏肉比例满分煮得淋，食到浓浓嘅酱油味流心蛋熟咗啲，煮少30秒应该会正好多，不过重蛋味，补返数啦👆🏽烧腌鱿鱼，烧得比较干，内里腌渍好咸，送啤酒好嘅(不过今次无叫)，唔系我心水，自己