半熟工房 (德輔道中) (已結業)

一见到盒散水饼，即刻全部同事都双眼发光。好期待到底会系蛋糕定芝士挞！一见到系流心芝士挞开心到弹起！佢既芝士系劲香同劲滑，不过其实系唔会流心既，似布甸既质感较为多。啲同事个个都觉得正，认为唔会太甜，就算食饱饭食都唔会觉得好济。挞底系曲奇底黎既，系走少少松软既路线。对小妹黎讲，如果再硬身啲会更完美。之前都食过佢既芝士蛋糕。对比之下，流心芝士挞我觉得正好多。因为会有挞同芝士filling既两种质感，相对黎讲口感丰富啲。芝士蛋糕就成旧都一pat pat。不过我知好多人两样都好钟意啦。