Kremaro (已結業)

今日喺铜锣湾见到有一架好特别既咖啡车，有个写住Kremaro既绿色走马灯，车身主要系铝既感觉，几modern几有style。佢主要卖咖啡为主，但都有小少量轻食，例如bagel, cookies等，佢仲可以即场帮你翻热，等你可以饮住咖啡，食点甜食。注意呢架咖啡车不设座位，只有少少企位。 🥯抹茶草莓夹心贝果（$32，9.2／10）外型讨好！超级好味！抹茶creamcheese超浓既抹茶味，草莓creamcheese又超fresh既草莓味，一甘一酸配合得好好，仲有creamcheese既咸甜味，天衣无缝！另外，贝果焗完之后外脆内软，好好食！😋 🥯可可布朗尼夹心贝果（$38，9.2／10）朱古力控一定中意食呢个😈！佢有三款口感，朱古力贝果的烟靭，朱古力creamcheese既细滑加埋brownie既蛋糕质感，真系好好食！强烈推介。 ☕️Jacob Mocha（$52，9／10）圣诞限定咖啡！积及橙咖啡！老板话系细个童年回忆，好中意食积及朱古力橙饼，所以设计左杯橙同朱古力味咖啡！饮落十分之有惊喜！有橙味但又唔会太抢，咖啡好滑好香，奶泡亦都打得好细密。好好味好特别！我都开始怀念呢种味道。