ChumChum味 (已結業)

太座突然话想食酱油蟹同炸酱面，我地食过最好食嘅就系尖沙咀chumchum味，梗系即刻去食啦！仍然系咁多人食，就知水准唔会差咗，好睇去到仲有一张枱，so lucky!“酱油蟹”味道依然，究竟呢只蟹嘅来源系点，我上网做咗搜查，（韩语：간장게장），韩国五大名菜之一，将未经烹调的生蟹放在酱油中腌制而成，当地民众喜爱直接将白饭加进蟹盖内与蟹黄一起伴吃，故这道菜色又名偷饭贼。我地就将蟹膏捞落白饭度食，真系好惹味，其他蟹肉超甜，有点甜到漏嘅感觉！“炸酱面”在面上面淋上由咸黑豆酱，配上猪肉和蔬菜和海鲜制成的浓酱，又有返甜甜地中和返，太座话系佢喺香港食过最好食嘅炸酱面！“炖牛排骨”我地点咗辣味上枱时仲滚紧，食落嘅辣度唔系讲笑，太座就食得好开心，我就食到成吉思汗打仔咁，不过呢只味道系会令人越食越想食！“烤牛肉紫菜饭卷”食落有点脆又有点软，烟烟韧韧，唔错！“煎蛋卷”睇落普通食落非比寻常，煎得成条蛋浆软软都唔容易，谂住食一旧帮衬吓，点知食埋最后一旧，强烈推介！