小廚坊

营业中

休息中

无意中发现呢间铺仔，谂住试下新口味，虽然见到餐牌里边好多唔同嘅食物，但本身冇几大期望，觉得铺头细细，味道都肯定好一般，求其嗌咗个A4餐。点知d餐出乎意料，牛肉十分之爽滑鲜嫩，只蛋煎都外焦里嫩，好啱我口味，配菜也都新鲜爽口，颜色搭配都好靓，而且如果部分重口味人士觉得味道不足够嘅话，都可以去隔篱攞酱汁自行调配，虽然我觉得本身d餐已经好好味，无需要再加任何嘢入去喇😂😂，偷偷赞下师傅嘅手艺高超。唔单只超级好味，睇落嚟赏心悦目，而且份量都好足够，食到超饱。价钱也都十分之合理，出餐时间较短，无需要等太耐。平日如果有位嘅话可以约埋两三个朋友仔一起出来食，但可惜呢间铺在主要做早餐同外卖，四点就准备落闸闩门。如果想叹埋晚餐就一定要四点前落单。