Little Mermaid Bakery

营业中

休息中

今日去咗沙田行街，食完午餐，跟住就过咗嚟city’super行一阵，当消化下。跟住突然间见到有间包舖，门口摆咗好多一条条嘅面包状的东西，颜色都系啡色，闪闪令，非常之吸引，行咗过去睇。原来呢啲系丹麦条嚟，我未食过。佢真系烤得好靓，佢个外层系闪令闪令咁，烤得好好，感觉好脆，我啱啱食饱饭，都忍唔住问个朋友，要唔要试吓。朋友都话好想试，觉得好靓。佢嘅口味真系非常非常之多，完全唔识拣。跟住见到有D24榴梿味，都完全唔想拣其他，呢个时间有榴梿味嘅食物，超想试！朋友就拣咗脆糖丹麦条。超好运，榴梿味嘅丹麦条系啱啱新鲜出炉，因为侍应同我讲要睇热，𠮶阵时我已经满心欢喜，热辣辣出炉嘅，最开心！咬一啖，超级好食!!! 入面质感似年糕加麻糬, 唔系exactly 榴梿肉, 好香, 好香!超后悔冇影入面系点，因为我食得超快。朋友食紧头两啖𠮶阵，我已经食晒成条，跟住佢问我你食晒啦？我话系呀，因为真系好好食！我好想买第二条食！朋友话佢𠮶条味道都唔错，不过就唔够热，如果热啲应该会更香！呢间嘢我要留意吓，下次经过我都要再来试先，因为真系好好味呀！