Ann Mamma Thai kitchen by 張秀玲

营业中

休息中

受疫情影响，入座前侍应会为食客量度体温，餐厅座位亦都疏远左。晚市6点，已经好多人，大部份人都系订左位。如果想食，就好book定位，或者早d黎。叫左泰式无骨卤水猪手($98)，黄咖哩($88)，木瓜沙律($68)，椰汁芒果糯米饭($48)，泰国街头雪糕(送)。猪手必叫，猪手既份量非常多，炆到劲"林"，d猪皮既骨胶原出哂黎，而且卤水汁带甜。醮埋酸酸辣辣既酱，更加惹味。猪手底下铺住芥兰，芥兰吸左卤水汁，好好味。餐厅有3款口味既咖哩提供，黄咖哩唔辣，可以拣鸡/牛腩。椰香味浓，一上枱就闻到好香。鸡肉入味，薯仔外皮有d焦焦地既感觉，香口。如果唔想哂左d咖哩，可以叫薄饼/蒜蓉包，醮黎食一流。木瓜沙律份量又系好足，堆满成一座山咁。酸辣味非常开胃，而且木瓜丝唔会切到过幼，有口感，够爽脆。特别在于餐厅加入好多好细只既红虾拌埋一齐食，望落以为系辣椒，配埋花生碎、芝麻食，口感十足。糯米饭热辣辣，仲有烟出。糯米饭黏稠，椰浆好香，芒果够甜。尼段时间，餐厅做promotion，每2位食客就可以试食一款泰国街头雪糕，拣左椰子味。用椰子壳装住2大球椰子味雪糕，配上花生粒、苹果片、椰肉片，细味品尝后椰子味慢慢渗出，配搭苹