曼谷泰菜 (珠璣大廈) (已結業)

今次系用外卖app叫嘅，以下都系折前价钱。菠萝炒饭 （$108）炒饭入面有腰果、肉松、菠萝，食落酸酸地几开胃，又几好食㖞。辣椒膏炒青口（$108）少少辣，青口普通，整体都几入味。腌酸辣去骨凤爪 （$82）冇骨嘅凤爪真系好方便，食落好有泰国风味，都系酸酸地咁，好开胃。咖喱炒虾球 （$108）系送饭一流嘅咖喱，几好食。入面啲虾大大只，虽然话系咖喱，但系唔会太辣。炭烧猪颈肉 （$92）落左个汁之后超级辣，猪颈肉就偏硬。蒜子胡椒炒虾球 （$108）虾球大大只，食落都好香，好多蒜蓉粒，好好食。泰皇咖喱软壳蟹 （$208）佢有配埋一个个黄咖喱汁，呢个汁先系精髓，食落甜甜地，好好食。不过斋食软壳蟹都好食，又香又脆，假如叫个普通软壳蟹（冇酱）嘅话价钱平一半，抵食好多。泰式虾球炒金边粉 （$98）金边粉都几多配料，有虾、芽菜咁，食落酸酸地。但系可能摆左一阵，所以啲面结左，变左一饼野，好难捞。泰式炸虾饼 （$92）炸虾饼好好食呀，炸粉唔会太厚，食落好脆，好有虾味，而且size岩岩好，做小食一流。泰式海南鸡捞面（$98）呢个捞面就好失望，啲鸡食落好鞋口，啲面又干，同样都系一饼野咁好难捞，而且冇乜味，真系唔好