汀汀烤活魚 (已結業)

由于班波友住荃湾，今日就去左佢地地头打波，打完之后佢带左我地黎球场格离呢间野食烤鱼，我地叫左烤桂花鱼，同一般鱼煲唔同既系佢地会先煎一煎香啲鱼皮，先再放鱼汤落去，食落又真系会香口好多。除左个煲之外，我地仲嗌左几个小菜，分别系姜葱爆蚝、黄金鲜鱿同埋炒鹅肠，由于我地打完波唔想食咁饱所以冇嗌到饭，如果唔系呢几个小菜已经好食到送几碗饭，特别系佢个黄金鲜鱿，佢个炸粉同咸蛋黄既比例控制得岩岩好，唔会落得太多咸蛋黄搞到个鱿鱼冇左脆个口感，所以我觉得佢地个黄金鲜鱿系必嗌。