喜來稀肉 (金巴利道)

营业中

休息中

今次又食喜来稀肉🤣之前去咗琼华中心果间食唔错，所以试尖沙咀果间。餐牌里面除咗肉，仲有好多唔同种类嘅韩式熟食，选择都几多。烧肉拣咗牛五花同酱油鸡，牛肉花比较薄身易熟，油花好香，腌料亦都几好食！至于鸡都好大件，食落都好滑。另外叫咗韩式海鲜辛辣面，好足料，有好多海鲜，面亦都好烟靭。餐厅都相当阔佬，有自助Bar，可以自已任拎泡菜、芽菜、酸萝卜、新鲜生菜等等，选择比旺角分店多。而炉边蛋都唔洗另外加钱，有泡菜同芝士味，充满浓浓滑蛋香。饮品就有好多款，包括韩式饮品同特饮，同埋芒果梳打，非常消暑解渴！