餃里 (悅湖商場) (裝修中)

今日黎开屯门码头，记得朋友曾经介绍过呢头有一间饺子店啲饺子好好食，黎开要记得要帮衬😉。呢间铺头位于悦湖山庄商场，系一间专做外卖饺子嘅小店。佢有生饺子同熟饺子卖，而熟饺就有汤饺或煎饺。今次买左佢嘅生饺，分别系韭菜、椰菜同芝士粟米各一盒，同价钱更加可以选择双拼，而口味都几多款式，除咗我头先拣𠮶三只款，佢亦都有芫荽味、芹菜味、咖喱味、泡菜味、素饺。一盒有12只，姐姐即叫即包，非常新鲜，每只饺子都好大只😆。仲送埋菜脯同辣椒酱！👍🏻👍🏻随盒有张卡纸教埋你烹调方法。煮沸热水就可以放下饺子，等到饺子浮起后再煮一分钟就可以享用美味嘅饺子啦👏🏻👏🏻简简单单落左盐同鸡粉调味，韭菜饺有浓浓嘅韭菜香味，味道浓郁，非常好食；椰菜味道就清淡啲，但就食到猪肉嘅鲜甜味道。而煎饺亦非常容易，落油烧热个镬，落饺子慢慢煎脆四边道可以食得啦！🤗芝士粟米味好啱煎黎食，煎到表面香脆黄金，芝士味已经出晒黎，香喷喷，同粟米非常之夹，食落juicy,食唔停口🤤😋。而韭菜饺煎过后，味道更出，点埋麻酱更加好食😛。